大眼妹韓國遊學誌

辛苦左兩星期 (其實都無特別努力) 今個學期順利升班喇。 Yeah~~~*
早前已經同朋友Plan 今個假期，要離開首爾，去釜山玩幾日放鬆下。
呢一日，終於都黎喇！

我地坐 9:15機，因為係金浦機場飛，所以都唔駛咁早出發。
今次我地選擇坐飛機去釜山嘅原因，唔係因為我地有錢，
而係經我地格價過後，發現坐飛機仲平過坐KTX... (巴士除外)
我地都唔明原因，坐飛機只需一個鐘時間就到。
坐 KTX 嘅話，好似都要坐兩個鐘頭。
 

一個鐘頭嘅機程，係飛機上瞓死左。(真係太攰喇)
國內線嘅關係？檢查無國外線咁繁複，
加上平日 (星期一) 嘅關係，飛釜山嘅人都唔係話太多。
一出機場，真係同首爾有好大嘅分別。(機場好細)
連地鐵嘅月台都好似突然變得好迷你。(小妹少旅行) 
 

到釜山嘅第一日，天陰陰  有種要落大雨嘅感覺。
但非常感恩，真係有落雨，但只係落左一陣就停。
並無打擾我地嘅心情，可能大家只係一心想食野，無諗太多。

我地第一間要食嘅餐廳，就係好出名「湯飯」嘅 "원조할매국밥"
開業48年，連韓國名廚 -- 白宗元都有推薦呢間嘅湯飯。
除左白宗元之外，店內牆壁貼滿晒黎食過嘅明星簽名，
同埋電台採訪嘅相片。
 

我地每人都點左 "소고기따로국밥" (牛肉湯飯)
食其他野之前，先飲啖湯。
真係唔係講笑，個湯好好飲... 之後再食芽菜
因為個湯濃郁得黎係唔覺油，而d 芽菜又入晒味，
所以我覺得好好食，加上牛肉係足料。
如果你覺得韓國首爾餐廳已經好足料，釜山餐廳更甚。 (推薦)
仲有我最鍾意嘅益多多... 更加要加分