食完湯飯後，因為我地住嘅地方，仲係到收拾中...
所以我地卸低行李後，就去附近嘅海雲台海水浴場 (해운대 해수욕장)
天氣不似預期 
又開始落起毛毛細雨
但感覺出奇地舒服，遊客唔多。
無猛烈嘅 
近海關係，涼風送爽
睇說明牌上所寫，呢到有個關於 "冬柏島黃玉公主嘅傳說"
話說好耐好耐以前，人魚國有位人魚公主 -- 黃玉公主
而冬柏島有個國家叫無窮國，國王係恩惠王。
受上天恩賜做左王，並且同黃玉公主結為夫婦。
但黃玉公主太過思念故鄉
故一直服待公主嘅烏龜俾左粒珠俾公主
烏龜話：
「呢粒珠係你外祖母 (王太妃) 俾
請係月圓之夜，將粒珠照一照月亮」
到左月圓之夜，黃玉公主將粒珠照向月亮，
公主嘅故鄉 -- 納籣達嘅面貌就程現係公主眼前,
呢個時候，公主雙腳變返鰭，
再次係大海游來游去....
自此，就一直流傳冬柏島嘅海，住左人魚嘅故事。
完~~~~~
等陣... 咁恩恵王點算??
話晒人家都係受上天所賜做王
點可以因為掛住故鄉，丟低個老公 
睇故就唔好駁故... Why so Serious??
之後向沙灘方向行過去，d 沙好幼，同埋超乾淨 (比香港)
沙灘中央，有兩個小沙丘，遠處睇到好多小朋友玩
坐住個雪橇？沙橇？滑落黎。
因為之前睇韓國綜藝 -- 花樣青春 (非洲篇)
見到寶劍玩，好似好好玩。
我一直都好想玩，難得有咁嘅機會，
於是慫恿意大利朋友一齊玩。
起初以為沙橇係要自己買，但感覺似係公家，
所以見到小朋友唔玩，即刻拎左黎玩。
以為上個沙丘係件易事 (睇人上好易)
但因為ｄ沙太幼細，踩落去即沈，
後來我發現，唔可以停，要一直衝上去，
咁腳就可以一直提得起，向上踩。但好需要體力
我一直都好鍾意高嘅地方，
不過當上到個沙丘上面先發現，比想像高。
可能要滑落去關係，感覺有d 驚，有d 恐怖。
但成功試左一次之後，就發現無想像中可怕。
仲發現超級好玩，來來回回，玩左5次以上。
黎到都無半日，成個旅程嘅體力都耗盡。
但呢家唔玩，幾時先玩??
玩完癲完，繼續慢步沙灘。
係韓國都住左差唔多 8個月多，都無去過沙灘。
講真，當個人感到壓力大，鬱悶嘅時候，
行下沙灘，聽下海水聲，小朋友追逐嘅笑聲，
人生好似又唔係好難過 
沙灘另一邊，推砌左幾座唔同主題嘅沙雕。
有神話傳說、韓國文化、酒店廣告宣傳 <--估佢唔到
d 沙雕做得好靚，好仔細，連眼睛嘅顏色都唔同，好勁。
好
由於用盡晒所有力氣，所以係間民宿搞惦之前
我地去左沙灘附近嘅 Cafe 坐坐，休息一下。
順便幫手機充充電... 
本身係首爾都有去呢間 Cafe 買野飲。
我平時飲開個款，發現原來釜山無得賣。
於是點左杯似乎係新產品嘅薄荷朱古力紅豆冰。
超好飲呀~~~~~* 薄荷朱古力本身已經無得輸，
幸福感... 即時湧現。就係咁易滿足 
呵呵!!
留言列表
