大眼妹韓國遊學誌

晚餐，我地去左民宿附近嘅烤肉店食烤肉。
呢間烤肉店係連釜山人都推薦嘅舖頭。
我地大約 8:00 幾去，就算係平日，都要等位。
好難想像假日，要等幾耐。
好在呢家釜山入夜之後，都比較涼爽。



今次我地點左 4人份量嘅肉，再加多個飯 Share
呢間有職員幫你燒，所以燒得岩岩好。
雖然職員好忙，下下都走黎走去。
但定時定後，會返黎反一反 d 肉。

真心，真係好好味。
係連脂肪嘅位置都覺得好好食。
4個女仔即時變左食肉獸咁 
我地好快就 KO 晒所有肉同飯 (超誇張)
都未試過，食烤肉可以食得咁快。

但大家仍然覺得無飽肚嘅感覺，好想再食。
之不過呢間唔係任食，係散叫。
(平時食開嘅烤肉店都係無限添食)

當初叫 4人份量仲以為會太多。
估唔到，大家都覺得唔夠喉~~~~ 


 

所以我地決定返民宿前，去便利店買野食返去。
係便利店，我發現呢款 "부산우유" (釜山牛奶)
起初無細心睇，以為 "서울우유" (首爾牛奶) 轉左包裝。
後來先發現，係寫住釜山。
不過應該都係同一間公司，包裝似到咁。

唔知係咪低脂奶或脫脂奶，
味道超淡，完全唔覺得有牛奶嘅味道。
感覺同飲水無咩分別... ...